Bashkëshortja e Ilir Metës, presidentit të zgjedhur, tha sot pas seancën plenare se ajo do të vazhdojë të mbajë vendin e deputetes në Kuvendin e Shqipërisë.
Ajo u pyet nga gazetarët nëse do të jetë ajo një nga kandidatët për drejtimin e LSI dhe në përgjigjen e saj nuk e mohoi këtë gjë.
Do të jeni Zonjë e Parë apo deputete?
Jam deputete, do ta mbaj këtë post.
A do të kandidoni për drejtimin e LSI-së?
S’e kam menduar, më lini të mbaj çik veten… por ju kujtoj se kryetari i LSI-së zgjidhet me “një anëtar – një votë”.
E keni uruar bashkëshortin për zgjedhjen si president i vendit?
S’e kam uruar se nuk jam shumë e kthjellët për atë çka ndodhi.
A jeni e kënaqur që Meta u zgjodh president?
Mua do të më pëlqente Petrit Vasili ose Arta Dade, por ndonjëherë pakica është e detyruar t’i nënshtrohet shumicës. Presidentit i uroj ti japë Zoti kthjelltësi, mençuri. Shqipëria ka nevojë për më shumë mirëqënie, të mos bëhet si Maqedonia”.
GSH.al